Kənan Heydərov Aforizm 14-10-2018, 10:25

Dahilərin Sevgi haqqında söylədikləri

Bu dünyanı alman fəlsəfəsi deyil, sevgi izah edir. Oskar Vayld

***
Sevmək – müqayisə etməməkdir. Bernar Qrasse

***
Sevmək – bir-birinə baxmaq deyil, birlikdə bir istiqamətə baxmaq deməkdir. Antuan de Sent-Ekzüperi

***
Sevmək bir istiqamətdə baxmaq deməkdir? Ola bilər, lakin əgər qadın və kişi televizora baxmırlarsa. Jilber Sesbron

***
Biz dərman vasitəsilə xəstəlikdən xilas oluruq, lakin tənhalığın, ümidsizliyin və çarəsizliyin yeganə dərmanı sevgidir. Dünyada aclıqdan ölən çox insan var, lakin sevginin yoxluğundan ölən daha çox insan var. Tereza Ana

***
Başqalarının sevgisini qazanmağın ən yaxşı yolu onları sevməkdir. Jan-Jak Russo

***
Sevmək – başqasının xoşbəxtliyində öz xoşbəxtliyini tapmaq deməkdir. Qotfrid Leybniç

***
Bir insanın onu sevməsini tələb etməsi ən böyük təkəbbürdür. Fridrix Nitşe

***
Sevgi etibardan təmizdir və xəyanətə uğramış aşiq təəssüf deyil, təəccüb və hörmət doğurur. Andrey Platonov.

***
Qarşılıqsız sevgi adamı alçaltmır, əksinə ucaldır. Aleksandr Puşkin

***
Sevgi insanın ləyaqətinin digərlərində əksidir. Ralf Emerson

***
Bir-birini başa düşmək üçün ümumi bir şeyə malik olmaq, bir-birini sevmək üçün isə nədəsə fərqlənmək lazımdır.
Pol Jeraldi

***
1 anlıq sevgidə bütöv bir ömür var. Onore de Balzak

***
Əgər sevdikləriniz uğruna özünüzü qurban verməyə başlasanız, axırda onlara qarşı içinizdə nifrət oyanacaq.
Bernard Şou

***
Eşq bir dənədir, saxtası isə çoxdur. Fransua Laroşfuko

***
Bir gün küçədə aşiq dilənçi gördüm. Başında şlyapa, əynində sürtülmüş palto, ayağında cırıq ayaqqabı vardı, ürəyində isə ulduzlar parıldayırdı. Viktor Hüqo

***
Sevgi keçmişi və gələcəyi qəbul etməyən yeganə Ehtirasdır. Onore de Balzak

***
Sevgi sevən adam qədər dəyərə malikdir. Romen Rollan

***
Əgər sevdiyimiz insanı tanıdığımızı deyiriksə, bu, sevginin bitməsi deməkdir. Maks Friş