Ölmək gəlmir əlimdən
Hər şey dəyişdi birdən, hər şey çox özgələşdi,
Nə zaman o zamandır, nə mən, nə də sən daha.
"Arzuların çin olsun" deyən dilənçilərə,
Qəpik-quruş verərdim, yalvarardım Allaha.
Sən də öz yerindəsən, mən də öz yerimdəyəm,
Allah da var, bilirəm, dilənçi də yerində.
Bu dünyada biz yoxuq, nə təsadüf, deyilmi?
Qapı-qapı gəzirsən, duaların əlində.
Daha niyyətimdə də, sən yoxsan deyə indi,
Allaha əl açmıram, dilənçi də mat baxır.
Biz də tək deyilik heç, ikimizdən savayı,
Göydə Allah darıxır, yerdə Allah darıxır.
O boyda göy üzündə, darıxır Ay da hərdən,
Bircə sən darıxmadın, eşitmədim, dilindən.
Bu elə bir ağrıdır, bu elə bir əzabdır,
Yaşayaraq ölürəm, ölmək gəlmir əlimdən.
Nə zaman o zamandır, nə mən, nə də sən daha.
"Arzuların çin olsun" deyən dilənçilərə,
Qəpik-quruş verərdim, yalvarardım Allaha.
Sən də öz yerindəsən, mən də öz yerimdəyəm,
Allah da var, bilirəm, dilənçi də yerində.
Bu dünyada biz yoxuq, nə təsadüf, deyilmi?
Qapı-qapı gəzirsən, duaların əlində.
Daha niyyətimdə də, sən yoxsan deyə indi,
Allaha əl açmıram, dilənçi də mat baxır.
Biz də tək deyilik heç, ikimizdən savayı,
Göydə Allah darıxır, yerdə Allah darıxır.
O boyda göy üzündə, darıxır Ay da hərdən,
Bircə sən darıxmadın, eşitmədim, dilindən.
Bu elə bir ağrıdır, bu elə bir əzabdır,
Yaşayaraq ölürəm, ölmək gəlmir əlimdən.
Məlumat Saytda şərhləri oxumaq, şərh yazmaq, xəbər göndərmək üçün QEYDİYYATDAN keçməyiniz lazımdır.
