Məşhur aktyor nişanlandı

55 yaşlı aktyor Keanu Rivz 46 yaşlı sevgilisi Aleksandra Qrant ilə evlənmək üzrədirlər.

Loading.Az-ın ru.hellomagazine.com-a istinadən verdiyi xəbərə görə, bu barədə "Globe" yazır.

Nəşrın məlumatına əsasən, cütlüyün nişanlanması haqqında adının açıqlanmasını istəməyən yaxın dostları danışıb.

Aktyor Aleksandraya evlilik təklifini əvvəldən şam və güllərlə bəzədiyi evində, şam yeməyi zamanı, ikisinin də sevimlisi olan Frenk Sinatranın ifasının sədaları altında edib, qadın da razılıq verib.

Bunun dəqiq nə zaman baş verdiyi açıqlanmır.

Hazırda cütlük toy mərasiminə hazırlaşır.

Xatırladaq ki, Keanu ilə Aleksandra 2009-cu ildə tanış olublar. Həmin dövrdə aktyor kitab çap etmək üçün illüstrator axtarışında olub. Tanışları ona rəssam Aleksandra Qrantı tövsiyə ediblər.

2011-ci ildə "Xoşbəxtliyə Oda" ("Ode to Happiness") kitabını buraxıblar və 2017-ci ildə dizayner Cessica Fləyşmann ilə birlikdə "X Artists’ Books" nəşriyyatını təsis ediblər.

Ortaq biznes Rivz və Aleksandranı daha da yaxın edib və onların münasibətləri yeni mərhələyə keçid alıb.

Lakin cütlük kimi cəmiyyət arasına onlar cəmi bir neçə həftə öncə çıxıblar.