n2006 Texnologiya 21-03-2022, 21:11

Facebook İnstagram istifadəçilərinin həsəd aparacağı bir funksiya tətbiq etmək üzrədir

Bu yaxınlarda bütün dünyaya təqdim edilən Facebook Reels videoları 7 fərqli emoji ilə reaksiya verə biləcək.

Bu yaxınlarda bütün dünyaya təqdim edilən Facebook Reels videoları 7 fərqli emoji ilə reaksiya verə biləcək.

TikTok ilə həyatımıza daxil olan qısa formalı video formatı 2020-ci ildə 'Reels' adı ilə sosial media nəhəngi İnstagrama gəldi. Bir müddətdir WhatsApp istifadəçiləri üçün bu funksiyanın gələcəyindən bəhs edilsə də, Meta keçən ay daha bir sürpriz hərəkət etdi: Facebook bütün dünyada Reels funksiyasını istifadəyə verdi.

Metaya görə, Reels insanların Instagram və Facebook-da keçirdiyi vaxtın yarısını təşkil edən ən sürətlə böyüyən məzmun formatıdır. 150-dən çox ölkədə istifadə oluna bilən Facebook Reels, İnstagram Reels ilə demək olar ki, eyni xüsusiyyətlərə malikdir, Meta isə hal-hazırda emoji ilə reaksiya vermə funksiyası üzərində işləyir.
Facebook Reals videolarına reaksiya verilə bilər

Sosial media platformaları ilə bağlı yenilikləri açıqlaması ilə tanınan Alessandro Paluzzi Facebookun artıq foto, video və digər paylaşımlarda istifadə oluna bilən emojilərlə reaksiya vermə qabiliyyətinin tezliklə Reelsə gələcəyini söylədi.
Hazırda həm İnstagram, həm də Facebookda Reels məzmununda yalnız bəyənmələr mümükündür və ya şərhlər yazıla bilər. Videonu bəyənməkdən başqa fərqli reaksiya (kədər, sevinc kimi) vermək mümkün deyil. Emoji ilə reaksiya vermə xüsusiyyəti bu problemi aradan qaldıracaq, artıq videolara 7 fərqli emosiya ilə cavab verə biləcəksiniz.

Hələ hazırlıq mərhələsində olan reaksiyalar funksiyası geniş ictimaiyyətə təqdim edildikdə Facebook Reels videolarına "Bəyən", "Möhtəşəm", "Səninləyəm", “Hahaha”, “Heyrətləndirici”, “Kədərli”, “Qəzəbli” emojilərindən biri ilə cavab vermək mümkün olacaq. '2016-cı ildə bəyənmə düyməsinə alternativ olaraq Facebooka reaksiyalar gəldi, lakin instagramda mövcud deyil.

Alessandro Paluzzinin paylaşımına görə, Reels videolarına emojilərlə reaksiya vermək imkanı hələlik Facebookla məhdudlaşır. Lakin o, Meta-nın İnstagram və Facebooku inteqrasiya etmək strategiyasının bir hissəsi kimi tezliklə İnstagrama da gələ bilər.