aynure İdman 5-04-2022, 16:00

Çempionlar Liqası: İngiltərə və İspaniya çempionları üz-üzə - AFİŞA

Çempionlar Liqası: İngiltərə və İspaniya çempionları üz-üzə - AFİŞABu gün UEFA Çempionlar Liqasında 1/4 final mərhələsinə start veriləcək.

LoaDinG.Az xəbər verir ki, ilk oyun günündə iki qarşılaşma keçiriləcək.

Madrid "Atletiko"su İngiltərədə "Mançester Siti"nin qonağı olacaq. Komandalar rəsmi matçlarda ilk dəfə üz-üzə gələcəklər. Bu görüş son İngiltərə və İspaniya çempionlarının qarşılaşması kimi maraqla gözlənilir.

Gecənin digər matçında "Benfika" Lissabonda turnirin favoritlərindən sayılan "Liverpul"u qəbul edəcək. Komandalar sonuncu dəfə 2010-cu ildə qarşılaşıblar. Həmin matç UEFA Avropa Liqasının 1/4 finalı çərçivəsində baş tutub. 2010-cu il aprelin 2-də baş tutmuş Lissabondakı ilk görüşdə "Benfika" paraqvaylı hücumçusu Oskar Kardosonun penaltidən vurduğu qollarla 2:1 hesabı ilə qalib gəlib. Maraqlıdır ki, bu komandaların Çempionlar Liqasındakı son qarşılaşmasında da "Benfika" adlı-sanlı rəqibini məğlub edib. 2006-cı il martın 8-də Portuqaliya komandası Liverpulda 2:0 qalib gələrək 1/4 finala vəsiqə qazanıb.

Çempionlar Liqası

1/4 final (ilk oyunlar)

5 aprel

23:00 "Mançester Siti" (İngiltərə) – "Atletiko" (İspaniya)

Baş hakim: İştvan Kovaç (Rumıniya)

Oynamayacaqlar: Ruben Dias, Benjamen Mendi, Kalum Palmer (hər üçü "Mançester Siti"), Yanik Karrasko, Xose Ximenes, Ektor Erera (hər üçü "Atletiko")

23:00 "Benfika" (Portuqaliya) – "Liverpul" (İngiltərə)

Baş hakim: Xesus Xil Mansano (İspaniya)

Oynamayacaqlar: Lukas Verisimo, Rodriqo Pinyo (hər ikisi "Benfika")

Oynayacağı sual altında olan: Nabi Keyta ("Liverpul")