Həsrətdən yazmayım, mən nədən yazım?
Mənə deyirlər ki, qəmdən yazma sən,
Kədərdən yazmayım bəs nədən yazım?
Yenə də titrəyir əlimdə qələm,
Həsrətdən yazmayım, mən nədən yazım?
Düşübdü boynuma dünyanın yükü,
Həsrət ağırlığı belimi bükdü
Tikilən evimi fələk tez sökdü
Qəhərdən yazmayım mən nədən yazım?
Allahdan kəsmədim mən ümidimi
Yalvardım-yaxardım gündüz-gecəni
Tanrıdan istədim mən təkcə səni
Acıdan yazmayım mən nədən yazım?
Fikir etmə düzəlməz həyat deyirlər
Yıxılan agaca balta tez dəyər
Mənimtək insanlar həyata küsər
Qəmdən yazmayım, mən nədən yazım?
Könlüm qübar etdi, ahu-zar etdi
Fələyin əlindən min zihar etdi
Sarı simə dəydi, intihar etdi
Ürəkdən yazmayım mən nədən yazım?
Duyğularım dilə gəldi bu axşam
Həsrətini çəkdim yenə bu axşam
Sənə olan ümid bitməz heç zaman
Hisslərdən yazmayım mən nədən yazım?
Məlumat Saytda şərhləri oxumaq, şərh yazmaq, xəbər göndərmək üçün QEYDİYYATDAN keçməyiniz lazımdır.
