İnsanlar niyə daha çox ağ və qara geyimlərə üstünlük verirlər? - MODELYER AÇIQLADI

“Ağ-qara klassik rəngdir. Amma qadınlar daha çox qara rəngdən istifadə edir”. Bu sözləri  açıqlamasında modelyer Şəlalə Maqsudova deyib.

Onun sözlərinə görə, insanların ağ və qara geyinməsinin səbəbləri çoxdur: “Çox xanım düşünür ki, qara rəng insan bədənindəki qüsurları örtür və vizual olaraq daha incə göstərir. Gündəlik iş həyatlarında qara rəngə üstünlük verirlər”.

Şəlalə Maqsudova sözlərinə belə davam edib: “Qara rəng (tünd rənglər) çirki ləkələri belə göstərmir. Ağ rəngdə həmçinin klassik rəng tonudur. Amma kompleksli xanımlar ağ rəngi sevsələr belə müraciət etmirlər. Çünki, düşünürlər ki, ağ rəng onları kilolu göstərə bilər. Amma bu yanlışdır.

Hər zaman demişəm ki, doğru, düzgün seçilmiş biçim hansı rəngdə olursa olsun insanın kompleksini göstərməyəcək”.