Novak Cokoviç Yannik Sinnerlə qarşılaşacaq

Rolan Qarrosda kişi tennisçilərin mübarizəsində bütün yarımfinalçıların adlarına aydınlıq gəlib.

Loading.Az xəbər verir ki, 1/4 finalın son görüşündə Novak Cokoviç Aleksandr Zverevi məğlub edib.

Serbiyalı tennisçi ilk setdə uduzsa da, geri dönüş edə bilib - 3:1 (4:6, 6:3, 6:2, 6:4). Cokoviç yarımfinalda hazırda dünyanın bir nömrəli raketkası olan Yannik Sinnerlə (İtaliya) qarşılaşacaq.

Yarımfinalın digər cütündə Lorentso Musetti (İtaliya) ilə Karlos Alkaras (İspaniya) üz-üzə gələcəklər.

Qeyd edək ki, yarımfinallar iyunun 6-da, final isə 8-də keçiriləcək.