"Telegram"a çoxdan gözlənilən yeniliklər gəldi

"Telegram" mesenceri növbəti yenilənmənin təfərrüatını təqdim edib.

Loading.aZ telegram.com-a istinadla xəbər verir ki, indi istifadəçilər səsli mesajları göndərməzdən qabaq onları kəsə biləcəklər.

Bundan başqa, fotoşəkilləri yaxşılaşdırılmış keyfiyyətdə göndərmək mümkün olacaq.

Yeniliklər arasında şəxsi mesajlardan istifadə edərək "Telegram" kanalları ilə ünsiyyət saxlamaq da var. Bu, istifadəçilərin "Telegram" kanallarının administratorları və sahibləri ilə söhbətləşmələrini nəzərdə tutur.

Digər yenilənmə sorğuların tərtibatı ilə bağlıdır - onlara 12 cavab variantını əlavə etmək imkanı yaranıb.