30 yaşdan sonra saçların sağlamlığını qorumağın əsas qaydaları

30 yaşdan sonra saçlara qulluq yanaşması tamamilə dəyişməlidir: gənclikdə işləyən üsullar artıq yetərli olmur. Trixoloq və dermatoloq Madina Osman bildirib ki, bu dövrdə saçlar ikiqat yük altında olur.

Mütəxəssis izah edib ki, bir tərəfdən saçlar xarici amillərin təsirinə məruz qalır: fenlər, saç boyaları və digər prosedurlar saçın sınmasına və solğun görünməsinə səbəb olur. Digər tərəfdən, təbii yaşlanma prosesləri başlayır, saç follikullarının sayı azalır və həcmi kiçilir. Bundan əlavə, bu yaş dövründə stressli hadisələr — hamiləlik, karyera dəyişiklikləri və digər gərginliklər — saç tökülməsini sürətləndirə bilər.

Madina Osman 30 yaşdan sonra saçların sağlamlığını qorumaq üçün yeddi əsas qayda tövsiyə edib:

1. Qidalandırıcı maskalar – həftədə bir dəfə istifadə edin, saçları möhkəmləndirir və tökülmənin qarşısını alır.

2. Müntəzəm kəsim – saç uclarını hər iki ayda kəsin, sönmə və sınmanın qarşısını alır.

3. Düzgün kosmetika seçimi – saçların uzanmasını stimullaşdıran keratinli peşəkar şampun və balsamları seçin.

4. Hava şəraitindən qorunma – yayda günəş şüalarından, qışda isə +5°C-dən aşağı temperaturda baş geyimindən istifadə edin.

5. Yüngül saç düzümü – yüngül formulalı, yuyulmağa ehtiyacı olmayan vasitələrdən istifadə edin, saçları ağırlaşdırmayın.

6. Balanslı qidalanma – rasiona omeqa-3 (balıq, zeytun yağı, qoz), dəmir (ət) və sink daxil edin.

7. Vaxtında həkimə müraciət – saç tökülməsi güclüdürsə, səbəbi müəyyən etmək və aradan qaldırmaq üçün mütəxəssisə müraciət edin.