Uşaqların yaddaşını necə möhkəmləndirmək olar?

Məktəblidə yaxşı yaddaşın olması təkcə məktəbdə deyil, həm də gündəlik həyatda kömək edir.

Loading.aZ xəbər verir ki, kp.ru saytına verdiyi açıqlamasında rusiyalı pedaqoq Vasili Kovalyov uşaqların yaddaşını gücləndirməyə kömək edə biləcək xüsusi məşqlərdən danışıb.

"Əsas məsələ müxtəlif metodlardan ardıcıl və müntəzəm, ən azı gündə 5-10 dəqiqə istifadə etməkdir. Yalnız bundan sonra onlar həqiqətən nəticə verəcəklər", - deyə ekspert qeyd edib.

Effektiv yaddaş məşqlərinə neyrobika - vərdiş olunmuş hərəkətləri qeyri-adi şəkildə yerinə yetirmək, assosiasiyalar və ixtisarlarla mnemonik (yaddaş) texnikalar, mental xəritələrin tərtib olunması və ucadan ifadəli oxu daxildir. Bu məşqlər beynin müxtəlif sahələrini aktivləşdirir.

Kiçikyaşlı məktəblilər və məktəbəqədər yaşda olan uşaqlar üçün oyunəsaslı məşqlər xüsusilə faydalıdır: müəyyən rəngdə əşyaları yadda saxlamaq, yaddaşdakı şəkillərin yerini dəyişmək - onları yenidən sıralamaq və ya sözləri əzbərləmək üçün tanış üsullardan istifadə etmək. Bu məşqləri müntəzəm olaraq yerinə yetirmək uşaqların yaddaşını asanlıqla və həvəslə inkişaf etdirməsinə kömək edir.