Borşu soyuducuda neçə gün saxlamaq olar?

Borş bir çox ailənin sevimli birinci yeməyidir. Çox vaxt böyük qazanda bişirilir ki, həm həmin gün, həm də növbəti gün süfrəyə verilə bilsin.

Loading.aZ xarici mediaya istinadla bildirir ki, lakin hətta soyuducuda belə onun saxlanma müddəti məhduddur.

Borş nə qədər saxlanıla bilər?

Ümumi tövsiyələrə görə, borş 2-5°C temperaturda maksimum 24 saat saxlanmalıdır.

Bununla belə, saxlanma müddətinə yalnız temperatur deyil, digər amillər də təsir edir. Bəzi hallarda borş 48-72 saata qədər qala bilər, lakin bu zaman dadında və keyfiyyətində dəyişiklik baş verə bilər.

Xarabolma əlamətləri

Borşun istifadəyə yararsız olduğunu göstərən əsas əlamətlər bunlardır:

kəskin turş qoxu (xüsusilə qızdırılarkən daha da güclənir)

rəngin dəyişməsi qaralma və ya qırmızı çaların itməsi

səthdə köpük və ya qabarcıqların əmələ gəlməsi, qaynadıqca artması

Bu hallarda yeməyi istifadə etmək tövsiyə olunmur.

Borşu necə düzgün saxlamaq olar?

Borşun dadını və keyfiyyətini qorumaq üçün aşağıdakı qaydalara əməl etmək vacibdir:

Bişirmə zamanı səthdə yaranan köpüyü mütləq yığın orada mikroorqanizmlər inkişaf edə bilər. Hazır borş 30-50 dəqiqə dəmlənməlidir. Daha sonra tez bir zamanda soyudulmalıdır. Qışda balkonda, digər hallarda isə qazanı soyuq su dolu qaba yerləşdirərək.

Saxlama qabı hermetik (hava keçirməyən) olmalıdır və içərisində kənar əşyalar olmamalıdır. Soyuducuda temperatur 5°C-dən yüksək olmamalıdır. Borş ən yaxşı halda 1 sutka ərzində istehlak edilməlidir. Daha uzun müddət saxlamaq mümkündür, lakin həm dad, həm də təhlükəsizlik baxımından risk arta bilər.