"Instagram"dan YENİLİK - 2 dollarla bütün hekayələrə gizli baxmaq şansı

"Instagram" tətbiqində yenilik edilir.

Loading.az xarici mediaya istinadla xəbər verir ki, "Instagram Plus" abunəlik əsasında istifadəçilərin hekayələrini gizlicə izləmə imkanı yaradır.

"Meta" Filippin, Yaponiya və Meksikada "Instagram Plus"u sınaqdan keçirir. Abunəliyin qiyməti aylıq, təxminən, 2 dollar olacaq. Alət istifadəçilərə hekayələri xəbərsiz izləmək və kimlərin hekayəni təkrar izlədiyini görmək imkanı verir. İstifadəçilər həmçinin auditoriya qrupları yarada, hekayələri 24 saatdan uzun saxlaya və izləyici siyahısında spesifik hesabları axtara bilirlər.

"Meta" bildirir ki, "Instagram Plus" sosial media menecerləri üçün paylaşım performansını izləməkdə faydalı ola bilər. Xidmət hazırda yalnız məhdud bazarlarda sınaqdan keçirilir və ABŞ-yə gəlməzdən əvvəl xüsusiyyətlər dəyişə bilər.