“Apple” bu ölkədə bütün ödənişləri və abunəlikləri dayandırdı

“Apple” Rusiya hökumətinin yeni qərarına cavab olaraq Rusiyada bütün ödəniş əməliyyatlarını və abunəlik yeniləmələrini tamamilə dayandırdığını açıqlayıb.

Loading.aZ xəbər verir ki, şirkət 1 aprel 2026-cı il tarixindən etibarən Rusiyada App Store və digər media xidmətləri vasitəsilə edilən bütün ödənişləri dayandırıb.

Bu radikal qərar ölkədəki istifadəçilərin yeni tətbiqlər almasını və ya mövcud “Apple” abunəliklərini yeniləməsini qeyri-mümkün edir.

Ətraflı

Ads by  

0

Reklamınızı SmartBee ilə effektiv edin.

“Apple”a birbaşa kart ödənişləri əvvəllər Rusiyada bloklansa da, istifadəçilər mobil operatorlar vasitəsilə hesablarını doldurmaqla bundan yayına bildilər.

Lakin, Rəqəmsal İşlər Nazirliyinin ölkədəki dörd əsas operatora verdiyi qəti göstərişlə bu dolayı ödəniş metodu da tamamilə deaktiv edilib.

Hökumətin bu yeni məhdudiyyəti tətbiq etməsinin əsas məqsədinin ölkədə internet senzurasından yayınmaq üçün geniş istifadə olunan VPN tətbiqlərinə girişi bloklamaq olduğu bildirilir.

Bu addım Rusiya istifadəçiləri ilə xarici rəqəmsal xidmətlər arasında ödəniş əlaqələrini kəsib.