“Mercedes-Benz” ABŞ bazarını tərk edə bilər – Səbəbi sizi təəccübləndirəcək

Çin avtomobil istehsalçılarının ABŞ-dakı fəaliyyətini məhdudlaşdıran qanun layihəsi səbəbilə “Mercedes-Benz”in avtomobilləri ABŞ bazarını tərk edə bilər.

Loading.az xəbər verir ki, ABŞ Konqresi Çin kimi düşmən ölkələrin hökumətində birbaşa və ya dolayı paya malik avtomobil istehsalçılarına ABŞ-da satış üçün nəqliyyat vasitələrini idxal etməyi, satmağı və ya istehsal etməyi qadağan edən yeni ikipartiyalı qanun layihəsini nəzərdən keçirir.

Buna görə də Çinlə əlaqəsi olan avtomobil istehsalçılarının fəaliyyətinin qarşısını almağı hədəfləyən qanun layihəsi ABŞ-da yeni “Mercedes-Benz” avtomobillərinin satışına qadağa qoyulmasına səbəb ola bilər.

Qeyd edək ki, “Mercedes-Benz”in ən böyük səhmdarı əvvəllər “Beijing Automotive Industrial” kimi tanınan dövlətə məxsus Çin avtomobil istehsalçısı BAIC-dir.