""Qızıl top" 3-4 oyunçuya verilməlidir, onlar da "Real"dadır" - MOURİNYO

“Real”ın baş məşqçisi Joze Mourinyo Madrid klubunun bir neçə futbolçusunun “Qızıl top”u qazanmağa layiq olduğunu bildirib.

Loading.az xəbər verir ki, baş məşqçi bu mükafatın dünyanın ən yaxşı futbolçusuna verilməli olduğunu deyib:

“Bu mükafat dünyanın ən yaxşı futbolçusuna verilməlidir. Onun mütləq ispaniyalı və ya PSJ-nin oyunçusu olması vacib deyil. “Qızıl top” dünyanın ən yaxşı üç-dörd futbolçusundan birinə verilməlidir və həmin futbolçular buradadır. Amma “Qızıl top” məsələsinə siyasət də qarışır, mən isə siyasətə qarışmağı sevmirəm”.

“Qızıl top”un hazırkı sahibi PSJ-nin hücumçusu Usman Dembeledir.

2026-cı il “Qızıl top” mükafatının təqdimetmə mərasimi oktyabrın 26-da Londonda keçiriləcək.