MIT-in balaca uçan robotu süni intellektlə 4,5 dəfə sürətləndi

MIT alimləri həşərat ölçülü uçan robotun hərəkət sürətini süni intellekt vasitəsilə təxminən 450 faiz artırıblar.

Loading.az xəbər verir ki, bu barədə ScienceDaily məlumat yayıb.

Yeni idarəetmə sistemi robotun çox sürətli və çevik manevrlər etməsinə imkan verir. Sınaqlardan birində balaca robot cəmi 11 saniyə ərzində 10 salto həyata keçirib.

Tədqiqatçılar gələcəkdə belə robotların zəlzələdən sonra dağıntılar altında axtarış aparmaq və böyük dronların daxil ola bilmədiyi təhlükəli məkanları yoxlamaq üçün istifadə edilə biləcəyini düşünürlər.