Lüks, amma etibarsız: Ən pis 5 premium avtomobil

Premium avtomobillər sürücülərə və sərnişinlərə yüksək komfort təqdim edir, lakin bəzi modellər digər avtomobillərdən daha çox problem yarada bilər.

Loading.aZ xəbər verir ki, "Car Depot"dan təcrübəli mexanik Alan Gelfand "GoBankingRates"ə verdiyi açıqlamada, hansı premium avtomobillərdən uzaq durmağın lazım olduğunu açıqlayıb. Onun sözlərinə görə, bu modellərdə çoxlu texniki problemlər mövcuddur.

Etibarsız premium avtomobillər:

Jaguar XJ

Gelfand "Jaguar"ın zərif avtomobillər istehsal etdiyini etiraf edir, lakin bu markanın avtomobilləri etibarlılığı ilə seçilmir. "XJ-nin elektrik komponentləri tez sıradan çıxır, asqı detallarının ömrü digərlərinə nisbətən qısadır. Asqı və soyutma sistemləri də daha tez sıradan çıxır, üstəlik ehtiyat hissələrin tapılması çətindir və işlərin qiyməti yüksəkdir”, deyə mexanik bildirib.

Maserati Quattroporte

Bu modeldə də "Jaguar XJ" ilə oxşar problemlər mövcuddur. “Mühərrik, transmissiya və elektronika ilə bağlı problemlər çox bahalıdır, sertifikatlı mexaniklərin sayı isə digər lüks markalara nisbətən azdır”, deyə Gelfand əlavə edib.

Audi Q7

Gelfanda görə, "Audi Q7" stil və komfort baxımından cəlbedicidir, lakin bu modeldə bir sıra problemlər var: “Elektrik və transmissiya problemləri, həmçinin tam ötürücülü sistemin mürəkkəb elementləri, avtomobilin 160 000 km-dən artıq hərəkət etdikdə gözlənilməz olur”.

BMW X1

Gelfand kompakt BMW X1 krossoverindən də uzaq durmağı tövsiyə edir: "Yeni və zəmanətli halda bu avtomobillər təsir edici görünür, amma asqı tez sıradan çıxır, soyutma sistemləri və elektron modullar bahalı baxım tələb edir. Kiçik texniki problemlər sonunda baha təmirlərə gətirib çıxarır".

Land Rover Range Rover

"Range Rover" dizayn və komfort baxımından yüksək qiymətləndirilir, lakin etibarlılığı ilə məyus edə bilər: “Əsas problemlər: pnevmatik asqı sıradan çıxması, elektrik nasazlıqları və soyutma sistemi problemləri. Ehtiyat hissələrinin qiyməti yüksəkdir, təmir üçün xüsusi işçi qüvvəsi tələb olunur və təmir tez-tez partiyalı həyata keçirilir”.